2017年7月月結

2017年7月月結

小評：

七月，冇心機寫檢討。雖然身家再創大時代以後的新高，但望見98和581一路升，426和903連續兩天佔據跌幅榜首位，雖未至於欲哭無淚，但點都有些恨自己唔爭氣，只懂汰強留弱，咁多年都冇進步。要學股票的財務分析不算太難，但要改進心態就是一件窮一生也未能學懂之事。革命尚未成功，同志仍須努力，千奇不要說甚麼「階段性勝利」自欺欺人啊！

八月策略

大龍鳳已經俏俏在身邊出現，摸著石頭過河，見步行步呢！逢七打仗，莫非中國同印度真堅打？

2017年6月月結

2017年6月月結 

持倉量

股票/期貨  37%

現金/債券  63%

三大持倉

1556 建榮建業 4.3%

426 萬華媒體 4.2%
1132 橙天嘉禾 3.7%

小評：
六月從中銀的分期貸款再套取現金，加上公司出獎金，可用資金又多了。錢雖然多了，但今月體會了何謂沽升淚。持有多時的581，30/6早上競價時段$2.64放了，之後就一放絕塵。唉！只好嘆句賣仔莫摸頭矣。倉內最爆的當數98，可惜只買得注半，如果581冇放，98+581有如雙龍出海呢。至於最重倉的1556諗住除息後會好像往年跌一浸，於是除淨前放掉。不過今次冇乜跌，所以只補回四成貨。

七月策略

睇住98同581兩隻，希望2017年像之前七字尾的年份炒鑊勁。七月繼續等待唔知有冇的大龍鳳出現！

2017年5月月結

2017年5月月結 

持倉量

股票/期貨  62%

現金/債券  38%

三大持倉

1xxx xx科技 22.4%
1556 建榮建業 14.9%

426 萬華媒體 4.5%

小評：
549接受收購的錢回籠，攞去抽咗三隻創業板新股。結果因為唔捨得暗盤時段或上市第一天蝕放，乃晒嘢蝕鑊金。男人有錢就身痕，依家唯有望天打卦了，嗚呼！

六月策略

畀D創仔新股搞到冇晒心機，六月還是靜思己過為妙。繼續等待唔知有冇的大龍鳳出現！

2017年4月月結

2017年4月月結 

持倉量

股票/期貨  73%

現金/債券  27%

三大持倉

1xxx xx科技 22.7%
1556 建榮建業 16.1%

549 奇峰化纖 7.5%

小評：
本來說四月下旬去旅行，股票倉應沒有甚麼大動作。結果買了很多公佈業績後派息不俗的股票，持倉量大升至73%。不過73%裏面，很多是收購提案股，包括五月接受收購的549，所以持股量實質大約36%。因為流動資金大減，以致四月期指結算日(27/4)想沽五月價外CALL都唔得，逼住用1點平舊倉才有錢。

五月策略

買到冇錢，五月還可以有甚麼大動作？繼續等待唔知有冇的大龍鳳出現！

2017年3月月結

2017年3月月結 (一早寫好咗唔記得按制發佈)

持倉量

股票/期貨  58%

現金/債券  42%

三大持倉

1xxx xx科技 23.3%
1556 建榮建業 16.0%

426 萬華媒體 5.2%

小評：
三月買賣頻密起來，賣了2339，新股1647捉到鹿唔識脫角，平手離場。另外小注買1305，重注買了隻低於正常殼價的套利股，期望快快趣趣落實收購，今到年度化的回報率更可觀。至於原先最大比重的1556，業績和派息比預期差，只得四仙，股價變動不大，唯有繼續持有收息，睇吓幾時唔駛做蟹可以鬆綁。

四月策略

四月下旬去日本旅行八天，股票倉應沒有甚麼大動作，繼續等待唔知有冇的大龍鳳出現！

2017年2月月結

2017年2月月結

持倉量

股票/期貨  36%

現金/債券  74%

三大持倉

1556 建榮建業 17.1%

426 萬華媒體 5.0%
546 奇峰化纖 4.9%

小評：
二零一七年一月旗開得勝，二月亦不錯，頭兩大持股都上升，1556沒有216咁勁，還是王博士最好嘢。426有種「守得雲開見月來」的感覺，豁然開朗，三月應會伺機再加注。

三月策略

三月要加息了，股票倉應沒有甚麼大動作繼續等待唔知有冇的大龍鳳出現！

2017年1月月結

2017年1月月結

持倉量

股票/期貨  42%

現金/債券  58%

三大持倉

1556 建榮建業 15.4%

426 萬華媒體 4.7%
xx 某神仙股 3.8%

小評：
二零一七年一月旗開得勝，响某隻「殼股」大賺一筆，比二零一六年全年盈利還多，難怪陸東都要炒埋「殼股」一份，體驗「殼價」這種價值股資！希望這些機會陸續有來。股票倉另外出清了2368，持倉量降回42%，以防特朗普亂出怪招。美股終於突破兩萬點，強中之強。小弟承認自己智慧遠遠不足，如金融海嘯後MPF全投放在美國股票基金，甚麼都不做也可得可觀回報。美國世界霸主的地位不變，最賺錢的始終是美國企業。你看蘋果最新季度業績，每做約$4.4生意就賺$1，根本就是暴利生意。我想下次美國如再發生股災，是起碼將一半供款轉做美股基金了。

二月策略

繼續等待唔知有冇的大龍鳳出現！

2016年12月月結

2016年12月月結

持倉量

股票/期貨  52%

現金/債券  48%

三大持倉

1556 建榮建業 17.9%

2368 鷹美國際 11.4%

426 萬華媒體 5.5%

小評：
十二月沒有重大交易，只買了622和3668，坐艇中。美股屢次創收市新高，港股卻浮浮沉沉，究竟係美股偏高定係港股偏低，木宰羊？

一月策略

過去逢七字尾的年份，股市必有大龍鳳。大波動即表示有揾食機會，但近來港股好似食咗安眼藥咁，小弟估一月都未有乜嘢睇自，希望遲D真係有大龍鳳啦！