2018年1月2日 星期二

2017年年結

小弟一向沒有認真記下自己每年的投資/投機回報率,有幾個原因。第一懶,怕麻煩。第二之前蝕多個賺,計嚟戔嘥氣。第三反正賭的是大浪,不須太著意某一年的變幅。最後是搵到錢但亂揮霍,身家冇增長講乜都冇用。總的來說2017年小弟身家約翻了一翻,投機的功勞最大,往年薪金加幅跟通脹相若,小弟這些低級職員靠份糧的話蛇都死。雖然回報好像很可觀,但其實响2017年做了多件錯事,虧蝕了不少錢。當中最要命的是下了沒有意義的賭注,當一波投機結束賺了錢後,亂下注就時有發生。希望踏入不惑之年,能改掉這輕浮心態。

2018年策略

根據歷史7字尾的年份兇險,8字尾的年份亦不見得好得那裏去。央行加息,收水,總有一次會係駱駝背上最後一根禾稈草。2018年很簡單,看準機會全力做淡,跌得甘如股災般有望身家再翻一翻,正常調整也有望賺六七成。股市不會長升不跌,差別在於股災急瀉式回調還是正常速度調整罷了。

2017年8月6日 星期日

2017年7月月結

2017年7月月結

小評:
七月,冇心機寫檢討。雖然身家再創大時代以後的新高,但望見98和581一路升,426和903連續兩天佔據跌幅榜首位,雖未至於欲哭無淚,但點都有些恨自己唔爭氣,只懂汰強留弱,咁多年都冇進步。要學股票的財務分析不算太難,但要改進心態就是一件窮一生也未能學懂之事。革命尚未成功,同志仍須努力,千奇不要說甚麼「階段性勝利」自欺欺人啊!

八月策略
大龍鳳已經俏俏在身邊出現,摸著石頭過河,見步行步呢!逢七打仗,莫非中國同印度真堅打?

2017年7月4日 星期二

2017年6月月結

2017年6月月結 

持倉量
股票/期貨  37%
現金/債券  63%

三大持倉

1556 建榮建業 4.3%
426 萬華媒體 4.2%
1132 橙天嘉禾 3.7%

小評:
六月從中銀的分期貸款再套取現金,加上公司出獎金,可用資金又多了。錢雖然多了,但今月體會了何謂沽升淚。持有多時的581,30/6早上競價時段$2.64放了,之後就一放絕塵。唉!只好嘆句賣仔莫摸頭矣。倉內最爆的當數98,可惜只買得注半,如果581冇放,98+581有如雙龍出海呢。至於最重倉的1556諗住除息後會好像往年跌一浸,於是除淨前放掉。不過今次冇乜跌,所以只補回四成貨。

七月策略
睇住98同581兩隻,希望2017年像之前七字尾的年份炒鑊勁。七月繼續等待唔知有冇的大龍鳳出現!

2017年6月6日 星期二

2017年5月月結

2017年5月月結 

持倉量
股票/期貨  62%
現金/債券  38%

三大持倉
1xxx xx科技 22.4%
1556 建榮建業 14.9%
426 萬華媒體 4.5%

小評:
549接受收購的錢回籠,攞去抽咗三隻創業板新股。結果因為唔捨得暗盤時段或上市第一天蝕放,乃晒嘢蝕鑊金。男人有錢就身痕,依家唯有望天打卦了,嗚呼!

六月策略
畀D創仔新股搞到冇晒心機,六月還是靜思己過為妙。繼續等待唔知有冇的大龍鳳出現!

2017年5月8日 星期一

2017年4月月結

2017年4月月結 

持倉量
股票/期貨  73%
現金/債券  27%

三大持倉
1xxx xx科技 22.7%
1556 建榮建業 16.1%
549 奇峰化纖 7.5%


小評:
本來說四月下旬去旅行,股票倉應沒有甚麼大動作。結果買了很多公佈業績後派息不俗的股票,持倉量大升至73%。不過73%裏面,很多是收購提案股,包括五月接受收購的549,所以持股量實質大約36%。因為流動資金大減,以致四月期指結算日(27/4)想沽五月價外CALL都唔得,逼住用1點平舊倉才有錢。

五月策略
買到冇錢,五月還可以有甚麼大動作?繼續等待唔知有冇的大龍鳳出現!

2017年3月月結

2017年3月月結 (一早寫好咗唔記得按制發佈)

持倉量
股票/期貨  58%
現金/債券  42%

三大持倉
1xxx xx科技 23.3%
1556 建榮建業 16.0%
426 萬華媒體 5.2%


小評:
三月買賣頻密起來,賣了2339,新股1647捉到鹿唔識脫角,平手離場。另外小注買1305,重注買了隻低於正常殼價的套利股,期望快快趣趣落實收購,今到年度化的回報率更可觀。至於原先最大比重的1556,業績和派息比預期差,只得四仙,股價變動不大,唯有繼續持有收息,睇吓幾時唔駛做蟹可以鬆綁。

四月策略
四月下旬去日本旅行八天,股票倉應沒有甚麼大動作,繼續等待唔知有冇的大龍鳳出現!

2017年3月4日 星期六

2017年2月月結

2017年2月月結

持倉量
股票/期貨  36%
現金/債券  74%

三大持倉
1556 建榮建業 17.1%
426 萬華媒體 5.0%
546 奇峰化纖 4.9%

小評:
二零一七年一月旗開得勝,二月亦不錯,頭兩大持股都上升,1556沒有216咁勁,還是王博士最好嘢。426有種「守得雲開見月來」的感覺,豁然開朗,三月應會伺機再加注。

三月策略
三月要加息了,股票倉應沒有甚麼大動作繼續等待唔知有冇的大龍鳳出現!